2009年11月29日星期日

超市微利 舖租定輸贏

上星期二,因為唔使返學校嘅關係,我就趁得閒陪阿媽到藥房同超市「上倉」。去到藥房,阿媽即刻出手掃貨,佢話無論面膜、廁紙或者洗頭水等日用品,藥房都平過兩大超市一大截。照正常計,兩大超市嘅議價能力應該大大高過藥房,但喺點解藥賣嘢平咁多? 原因其實好簡單,藥房好可能係用蝕本價賣日用品博取客人青睞,等客人買吓買吓,唔覺唔覺買埋D高毛利率嘅成藥,Total計埋都可以賺番少少。不過,藥房咁做都有風險嫁,如果遇到我阿媽呢挺精明師奶,齋買日用品,佢就會攞唔到著數,好可能仲要倒蝕番轉頭。

其實超市都經常用呢招,不過割價傾銷的成本,通常都會透過加上架費去轉嫁俾供應商。始終超市掌握住控制權,大不了唔俾供應商D貨上架,咁供應商實死無生,所以正常嚟講只能妥協。為左呢個問題,阿媽都同我呻過好多次,因為佢正職係美國一間大型日用品公司的採購員,經常都要同超市傾數,睇下D上架費可唔可以平番D。

照咁睇,超市咪「賺到笑」? 咁大家又諗得太過簡單,超市都有弱點嫁,就喺佢地嘅邊際利潤極低,同埋嗰舖面面積一般較大,假如業主加租,隨時由賺變蝕。兩大超市至所以屹立不倒,某程度上係因為佢地D舖唔使擔心加租,母公司都係經營地產,包保唔會隨便加租。近年嚟,內地都有幾間超市企業係香港上市,大家如果有興趣投資嘅話,不妨睇下邊間企業係自己買地起舖,相信佢地未來發展應該較有優勢。

2009年11月27日星期五

解構市盈率

衡量一隻股票的股價是否抵買,最常用亦同時最容易明白的指標,就是市盈率。這是會計財務學上的一個比率,是以股價除以每股盈利而得出來。或者,再簡單一點說,這個比率就等於回本期。若某股的市盈率為10倍,即表示投資者須持有該股約十年,才有機會完全回本(假設每股盈利不變)。假如每股盈利增長理想,則持有該股的回本期將會縮短;當然,回本期是愈短愈好,而 由於股票的市盈率等於股票的回本期,市盈率愈低即回本期愈短,所以市盈率也是愈低愈好。
市盈率可分為往績市盈率和預測市盈率。一般人所講的市盈率,是往績市盈率,即是以相關股票的現價除以最新往績的每股盈利來計算。不過,我認為股價往往是反映前景,所以投資者更應該考慮該股的預測市盈率。預測市盈率,是利用每股的預期盈利來計算的;不過,由於各間證券行或者基金對預測每股盈利的評估不一,因此預測市盈率也只能作為參考。

一般來說,公司的資本結構,風險水平和增長率主宰著PE 的高低。譬如,具有較低風險水平的公司市場會給予一個較高的PE,具有較高增長動力的公司會享有一個較高的PE ,具有較高資本需求的公司應該有一個較低的PE。投資者在應用PE估值時,最好應該先深入了解公司的業務模式,然後再和行業內其他公司作比較,方能得到一個較為客觀的估值準則。

2009年11月21日星期六

一手資料助奪先機

每逢到了十一月份,讀中大英文系嘅同學都會好忙,因為呢個月係交Paper嘅「旺季」。雖然英文系大部分course都唔會有Mid-Term Exam,但係寫Paper嘅工作量都唔輕。當我哋正式落筆前,同學都會先去圖書館搵書或者上網搵資料,好多時每一科最少都借10本、8本書,要花唔少時間去消化。

講起搵料,好多人都唔係咁識分咩係一手資料,咩係二手資料。簡單嚟講,同事件相關嘅或當事人提供嘅資料,統稱為一手資料;經第三者整理而得出嘅資料,就叫做二手資料。

喺投資世界入面,各種唔同嘅傳播媒體,包括報紙、雜誌、電視台等都會有專家喺度對股市或者個別公司作出評論;而且每間上市公司亦都要定期發布營運狀況同埋業績報告。呢啲資料全部被歸類為二手資料,雖然都有一定參考價值,但係唔夠Updated。

就以業績報告為例,上市公司公布嘅資料都係過去半年或者一年嘅情況,某程度上反映唔到公司嘅最新情況,再加上呢啲資料唾手可得,預測價值一啲都唔高。

投資者除咗要參考二手資料外,最重要係學識點樣去搵一手資料;要有第一手資料,先可以做出最好嘅決策。其實搵一手資料並唔難,最簡單嘅方法可以留意吓報紙上面嘅招聘廣告,如果你見到某某公司話要請人,你就可以分析吓究竟係公司嘅業務蒸蒸日上,定係內部出現問題,員工流失問題嚴重。

大家又或者可以多啲留意吓世界各地所發生嘅大事,研究吓當中與投資市場之間嘅關係,快人一步作出投資決定,早奪先機。

2009年11月20日星期五

中線投資內房股

去年10月,央行推出了優惠政策,將商業性個人房貸利率的下限擴大為貸款基準利率0.7倍(即7折)。根據該政策,首套房貸首期最低要求兩成,購買首套普通自住房的可享受房貸利率7折優惠。這個政策一直以來是整個房地產行業的主要支撐動力,至上週市場開始關注刺激樓市措施可能逐步「退市」,有消息指銀監會已要求各大銀行適當收緊房地產行業信貸政策,其中包括現行的房貸利率優惠政策。

在北京方面,建行已先行一步。11月11日,建行對外表示,該行對首套房貸政策進行了細化和差別化調整,不是所有客戶都能獲得7折利率優惠。建行總行並要求全國各分行統一執行。據悉,建行的新標準是只有首期付四成以上,才能享受到7折利率,如果首期只付兩成,利率只能打85折。市場現時擔心如果首套房貸利率7折的優惠政策全面取消,整個房地產市場必然大受影響,內房股表現因而受壓。

但筆者認為第四季卻是建倉累積內房股的好時機,因為就中、長期而言,內地市民日趨富裕,對城市住房有一定需求,再加上未來通脹、人民幣升值、挺內需等預期因素,內地樓價還有一定上升空間。而且,中央干預樓市,下藥劑量應當不會太猛,不然會一下子打垮樓市。

根據中國指數研究院最新房地產行業報告顯示,十月份全國主要城市住宅總成交面積環比上漲約百分之十二,七成以上城市的成交面積錄得環比上漲。整體而言,內地土地供需當旺,內地房價暫時沒有下滑跡象,筆者相信在明年第一季左右,內房股會再度獲得投資者垂青,
中線投資內房股會是不錯的選擇。

2009年11月16日星期一

危機感 - 減持?

恆指再創今年新高,惟心中卻出現了強烈的危機感。

金融危機過去了一年多,手中持有的股票上升幅度已不少了。恆指從一萬六點走來,不時均在市場上聽到「即將見頂」、「經濟復甦力度不足」、「熊市還未過去」等訊息。不過,當現時恆指到達了二萬三千點附近,唱「淡」的聲音好像卻完全消失了,股民大都暢談在股市賺了多少,連基金經理也認為熱錢過多,股市只會繼續上升。

我並不是認為現時的股市是牛市頂峰,只是認為市況有調整的空間,因此作出了減持行動,把現金水平提升至3成半左右,靜待調整的來臨。

有多大把握? 我不能確實回應,行動很可能是錯的;惟我堅持一貫理念:「買股票但求心安理得,賺多與賺少不是大問題。」

2009年11月15日星期日

性格決定投資方法

幾年嚟,我唔覺唔覺買左好多本書,搞到嗰書櫃都差唔多裝滿曬。啱啱嗰禮拜六,自己就趁得閒執下嗰書櫃,點知喺嗰「書海」到俾我揾到一本陳年舊書《男女大不同》,呢本書係由約翰葛瑞(John Gray) 所寫,內容主要係講男女之間性格上嘅差異,同埋彼此應有嘅相處方式。

人嘅性格,無論係天生定係受後天環境所影響,可以肯定嘅係,性格會影響行為,當然包括投資買賣決定啦。講起投資,好多人第一個諗法都係男仕會佔優,因為男仕一般頭腦夠泠靜、心思又夠細密喎,肯定叻過女仕啦。點知嗰實際情況完全相反,美國曾經有研究指出,女性嘅投資回報率,平均比男性高出1.4%。最主要原因係因為男仕一般比較固執、要「Face」、冇耐性同埋好賭。呢D特質,全部都係男仕嘅死穴,亦都係投資嘅致命傷。好多時當某間公司出左問題,股價係咁跌,男仕或者會為咗「Face」問題,再加埋天生嗰種好勝嘅心,死都唔肯止蝕,要等到股價跌到殘哂,先至會把心一橫將佢賣左。

對於男仕呢種諗法,女仕顯然冇呢個包袱,就正正係因為女仕唔逞強嘅性格,令佢地嘅賺錢比率相對提高。而且女仕可能天生鍾意Shopping,平時都會習慣格價,佢地對價格嘅敏感度一般會較高。

話雖如此,女仕係股市中都唔係無缺點。好多女仕天生較為細胆,喺大升市之中可能好早就賣曬D股票,錯失大賺嘅機會。總括嚟講,投資係個人性格嘅延伸,無論男仕定係女仕,都要清楚了解自己的性格缺點,好好控制自己嘅情緒,咁先可以在股海中克敵制勝。

2009年11月13日星期五

何時賣出股票?

大部份股票投資者,均對於何時賣出股票感到棘手。這是因為大部分人均沒有訂立一個賣出股票的準則,當缺乏準則的時候,自然難以作出決定。

投資者大都把注意力放在市場波幅上,很可能因大市連續上升了幾天,大家便會急於把股票賣出。這種賣出股票的方式是錯誤的,作股票投資,投資者關注的重點應該是在公司的基本因素上,譬如公司能否持續健康地發展、資產負債比例等。當股票擁有優質的基本因素,長遠地股價必然能反映價值,持續上升,並不必急於賣出。

投資者應該把盯住公司的基本因素,而不是盯住股價。以下是一些賣出股票的準則,可讓各位讀者作出參考:

準則一: 當股票被極度高估時,就應賣出。投資者應該對所投資的公司作出估值,當估值過高時,投資者便應賣出有關股票,把資金轉投於其他估值更加吸引的股票身上。請記緊,無論多優秀的股票,估值都會有一個極限,當超越此極限時,此項投資已不再是良好的投資。

準則二: 當投資者能夠在市場上以同樣的資金,買入質素更好、股價更低的公司時,投資者便應立刻「換馬」,把資金投進更佳的選擇上,賺取更高的回報。

準則三: 當公司出現虧損或嚴重事故,而短期內應該無法扭轉劣勢,投資者千萬不能抱有任何希望,定當「壯士斷臂」,保留資金,日後再尋找投資良機。

2009年11月7日星期六

高鐵威脅大 南航難「起飛」

雖然Semester 1都淨係過左一半,成班同學已經開始討論緊放聖誕假嗰陣可以去邊到玩。大家都話要好好珍惜時間,把握機會同埋D朋友去下旅行,留低個寶貴回憶。而其中一個短線旅遊熱點就係日本,畢竟日本多嘢買同多嘢玩。

講開日本,我最近就喺報紙上見到有關日本航空公司(JAL)嘅消息,宜家日航開始同官民合資的「企業再生支援機構」(ETIC)進行初步磋商,尋求重組業務。其實日航已經連續4年錄得虧損,喺過去10年亦都3次獲得前任政府資助,主要問題係日航有龐大嘅退休金開支,同埋面對住子彈火車嘅強大競爭。去過日本嘅朋友都話,日本嘅鐵路網絡非常方便,計番時間(包括辦理登機手續及候機時間)同埋價錢,搭子彈火車仲好過搭飛機,唔怪得知日航生意咁難做啦!

睇番中國,舊年年底公布嘅4萬億刺激經濟方案,基礎設施佔左主要部分,其中鐵路嘅投資更係重中之重。南方航空董事長司獻民啱啱係北京的一個行業大會上公開話,提高中國全國嘅高鐵網絡將嚴重打擊航空業,他希望政府能提供減稅優惠去協助航空公司減機票票價嚟同高鐵競爭。睇番目前南航一百六十條國內航線中,有三十八條與高鐵存在競爭;再從航空公司收入比例觀察,南航受高鐵影響確實係最大,上半年國內客運收入佔整體客運收入高達85.5%;國航同東航嘅相關收入比重都係6成至7成左右。最弊嘅係盛傳高鐵票價會比起機票平成一半有多,唔怪得南方航空D管理層咁緊張啦!

想投資航空股嘅朋友,就要小心留意內地航空業嘅進一步發展,如果政府唔出招幫下航空股,睇嚟佢地嘅股價都好難再「起飛」,隨時變做「夕陽股」,同日航落得相同命運。

2009年11月6日星期五

退市時間表?

上週,退市成為市場的新焦點。隨著增長復甦的重臨,市場開始將注意力轉向央行何時及如何有效退出目前超寬鬆的貨幣政策。

部分央行或許已經見到通脹及資產價格壓力,陸續訂出退市的時間表。綜觀全球,第一間加息的央行是以色列,其次澳洲,之後是挪威。然而,德國新政府尚在籌劃減稅刺激經濟;美國的復甦根基並不穩固,失業情況嚴重,增長仍靠財政支出支撐。筆者認為歐美央行要加息,目標時間應該在2010年年中之後,但他們往後會逐步透露出退市計劃,投資者務必小心留意。

而部份亞洲國家已具加息空間,但他們擔心一旦加息,將有更多熱錢流入,亦對出口不利;反之,如維持低息,資產價格上升將很厲害,像南韓的信貸增長及樓價升幅則非常快。現時,印度縱使保持利率不變,但已選擇把銀行法定流動性比率調升至25%,目的就是要遏制信貸增長。

至於中國方面,相信退市政策會是審慎的,寧願慢一點,也不願拖垮發展中的經濟。未來一年的信貸增長目標會較今年為低,但不會相差太遠,估計達7萬億元人民幣左右,以保持各個基建項目有充足的後續資金。估計在加息前,中國央行會先加存款準備金率,測試市場的變化。而加息快慢將由通脹率、出口復甦情況決定,倘若通脹達到3%附近,而出口持續復甦,央行才會有可能展開加息,目標時間相信應也2010年第一季後。

目前市場流動性還是充裕,退市行動不會立即展開,股市基本面沒有改變;筆者相信股市在短期回調之後,會持續向好,投資者不必急於轉攻為守。

2009年11月3日星期二

用買樓概念選落後股

近期,最多人茶餘飯後討論嘅問題必然係「樓市」,恒基旗下干德道「天匯」項目,每平方呎賣到成7萬幾蚊,香港豪宅市場已經由內地熱錢支配,內地同胞唔怕「買貴」,最怕嗰樓盤唔夠「豪」。睇番樓價,由舊年雷曼爆煲嗰日開始計,金融海嘯過左一年多D,樓價已經差唔多返到海嘯之前嘅高位,身邊唔少廿歲附近嘅朋友都話樓價咁貴,畢業之後都唔知要等到幾時先儲到首期,享受下做業主嘅滋味喎。

而特首最近亦都被問到樓價係咪過高,佢即刻話:「豪宅售價上升唔會影響一般樓宇價格,普通市民唔使太過擔心。」特首呢嗰講法,邏輯上絕對無錯,不過佢就忽略左資產價格存在住相對價值(Relative Valuation)嘅問題。

舉個例,假如你原先放盤賣一個700呎嘅單位,每呎賣5000蚊,掛盤350萬。點知屋企附近最近啱啱起左個豪宅項目,每平方呎賣到成2、3萬幾蚊,一個700呎嘅單位埋單計數最少要幾千萬。你估你收到風之後,會唔會即刻打比個代理話要加價賣盤? 我估計大部分人都會加價,因為你放盤嘅時候都會參考下同區樓盤嘅售價,假如其他樓盤嘅價錢升左,你會覺得自己個盤都要加價,唔係嘅話相對上就好似賣平左。

將相對價值套番落投資市場其實一樣用得着,好多時同一個行業內會有幾間公司上市,假如龍頭股預先上升,大家不妨留意下佢其他同行,睇下佢地嘅股價有冇變動,如果冇特別升幅嘅話,可能係一個良好的買入機會,因為佢地嘅股價理應上升,相對價值應受惠龍頭股的估值上揚。

學習投資如寫漢字

承蒙太陽報的賞識,我有機會在每星期六在產經版內撰寫專欄,希望可以藉此機會與廣大讀者試作交流,分享一些投資概念及心得。

「股市對態度正確的人是金礦,對態度錯誤的人是墳墓。」投資就好比一把雙刃刀,倘若投資者能夠妥善運用的話,必然有機會為資產增值及創造財富,達致財務自由;但倘若投資者錯誤運用的話,卻很大可能會被這把利刀所傷,遭受嚴重損失。

正確的投資方法應是從商業的角度,依據公司基本質素去進行投資。但絕大部份投資者均不了解所買入的公司,也沒有興趣去作深入研究,他們只把重點放在股價升跌上,他們關心股價的變動多於公司的營運狀況。他們的投資策略跟「賭」沒有多大分別,美其名為「投資」,實際上卻是「投機」,他們抱著「搏一搏」的心態進入股市,他們有可能會贏到一、兩局,但勝利只會是曇花一現,往後還要付出更大的代價。

投資有如學寫中文字般,如果你在開始時,不依據正確的筆劃去寫,一旦習慣了,你就很難改正,一輩子也不能寫出一手好字。因此,我們開始投資前,首重培養正確的心態,其次才是學習有效的方法。