創富路 任你揀

最近，學校嘅Project同Paper忙得七七八八，終於有時間睇番一本由朋友介紹嘅書，名叫《費雪論創富》（The Ten Roads To Riches），作者費雪本身係費雪投資公司嘅創辦人及CEO，並且為「福布斯」雜誌撰寫專欄長達二十多年。

睇完之後，我即刻好想透過專欄向各位讀者朋友作介紹，因為依家身邊成日都有唔少朋友埋怨香港唔夠機會，「80後」好難上位及累積個人財富。我一直覺得創富嘅機會好多時都喺身邊擦過，關鍵係睇吓你願唔願意比其他人付出更多努力同埋時間。如果大家真係有心創富嘅話，呢本書絕對可以提供到唔少方向畀大家。

費雪著書教創富

書入面總共分享多條創富路，雖然條路唔保證成功，但起碼提供咗一個基本方向。至於作者費雪點解會研究到呢幾條創富途徑，最主要就係因為佢自從二○○五年起，編製「福布斯」全球富豪排行榜，有機會接觸更多有錢人，再根據自己嘅觀察而歸納出嚟，分別係：

1. 自己創辦一家成功的企業—這是財富創造能力最強的致富之路。

2. 成為某家企業的首席執行官—雖然不是企業創始人，但也能發揮重要作用。

3. 慧眼識英雄，採取跟隨策略—這種做法與極高的「忠誠度」能帶來豐厚回報。

4. 把名氣轉化為財富—或者是把財富轉化為名氣，然後再贏得更多的財富。

5. 用別人的錢為自己賺錢—絕大多數超級富豪都是這樣的。

6. 為自己找到源源不絕的未來現金流泉源—即使你不是一位發明家。

7. 成為地產大亨—靠投資房地產發家致富。

8. 選擇「最多人走過的路」—勤儉節約，好好投資，永遠堅持下去。

我自己已經選擇咗行第8條路，同時希望喺將來可以有時間實踐埋其他嘅路。