從小培養子女理財

農曆新年，按照傳統習俗，要到唔同長輩嘅屋企拜年，真係由年初一忙到初七。話雖如此，拜年拜得多都有好處，就係可以收多啲利是。記得細個嗰陣，阿媽會吩咐我將每年嘅利是錢上繳，由佢儲起，等到十八歲嘅時候再一次過畀番晒我。我相信現在應該仲有唔少家長運用呢個方法去幫小朋友理財，雖然可以確保利是錢唔會隨便亂用，但壞處就係唔能夠培養小朋友嘅理財、投資概念。


「智慧是可以傳承的，投資經驗更是應該一代傳一代。」我一直認為投資應該盡早開始，當小朋友慢慢有了金錢觀念，家長便可以開始傳授投資經驗。股神巴菲特曾說：「要想在股市賺大錢，長壽是關鍵的條件之一。」因為一般人在股市中均需要經歷若干年嘅錯誤，之後先會慢慢步入正軌，好可能喺四十幾年嘅投資生涯中，頭十至二十年都在找尋適合嘅投資方法，同埋鍛煉自己嘅心理素質，呢個正係要盡早起步嘅原因。早起步、早犯錯，先可以確保有時間追回損失。
觀察力比理論更重要

另外，好多時家長都可能怕投資所需嘅知識太多，怕小朋友難以學習。我認為投資理論可以分階段學習，要成為一個成功嘅投資者，投資理論、知識可能唔係重點，最重要是擁有敏銳觀察力。觀察力需要從小培養，若父母能夠悉心引導，小朋友好多時可以根據Common Sense找到不少值得長期投資嘅公司。
我一直深信冇人天生就係投資專家，所有投資專家都係通過長時間努力學習及實踐，因此父母應該盡早安排子女接觸投資、理財等概念。


投資者要「摘櫻桃」？

當基金經理或投資者見某類投資的表現突出，並預期趨勢持續，於是買入，便可稱為摘櫻桃（Cherry-picking），好處是節省大量研究時間。