2009年12月19日星期六

尋找Nike影子股

「Just Do It」、「Impossible is Nothing」呢啲宣傳口號,相信大家都見慣見熟。唔少大學生都係Nike嘅「粉絲」,而我就係Nike Air Force系列嘅忠實擁躉,咁多年買完一對又一對。講起Nike呢個牌子,大把人比我在行;但講起生產模式,可能就有好多人唔係咁清楚啦。

唔講唔知,貴為全球運動產品商「一哥」嘅Nike,原來一間生產工廠都冇,亦幾乎冇一間舖頭,但係就可以每年創造到高達180億美元嘅銷售額。Nike主力係放喺產品研發同埋設計上面,其他生產程序全部外判,生產商主要集中喺內地、越南、馬來西亞及泰國,呢四個國家分別生產Nike鞋類產品的36%、33%、21%及9%。而服裝生產商就有34間,主要亦都係集中喺發展中國家。最勁係佢連分銷都外判埋,基本上只有1%店舖係自己經營。

Nike呢種經營模式可以大幅減省成本,因為公司唔使負擔生產效率、存貨、零售管理等業務,於是公司團隊就可以專注於宣傳同埋品牌發展上。

中國動向拓網民市場

喺香港上市嘅體育用品股中,中國動向(03818)同Nike嘅經營模式都好類似。中國動向擁有Kappa嘅內地特許使用權,但淨係集中喺產品研發同埋品牌管理上,其他範疇全部外判。不過Kappa嘅定位,其實比Nike更加靈活,因為運動衫都有分專業同埋潮流兩種,Nike行專業路線,而Kappa就專注潮流路線。據講,公司自九月開始仲同淘寶網合作,將營銷渠道拓展到年輕嘅網民,認真有計! 中國動向手持現金高達69億元,來年訂貨增長理想,又「食正」內需概念,「錢」景唔錯。

3 則留言:

匿名 說...

哈哈~又是我了,我也相信動向未來有很大的潛力,原因除你以上所說。kappa 一直是外資品牌中的頭3位,主打高中市場,佔有5.3 %的市場佔有率外。動向本身則主打中低路線,致力開發在二三線城市,使品牌收益更全面,隨著未來二三城市的消費者急速增長,相信有更大的發展空間。謝謝你的分享! ^_^~新年快樂!
jessica

Larry 洪龍荃 說...

謝謝你的補充資料! 新年快樂! 在來年,我也挺看好體育用品股的表現。

匿名 說...

Τhanks for some other excellent post. Where elѕe may anуonе get that κіnd οf informаtion in such a peгfeсt
methоd of writing? I've a presentation subsequent week, and I'm
at the looκ for such informatiоn.

Alsо vіѕit my web blog; http://www.sfgate.com