林森池最新訪問-調整預測／為恒指估值的方法(16/11/2007)

林森池訪問重點如下(轉貼隨笈兄http://hk.myblog.yahoo.com/Chui-Cup/article?mid=1881)：

1.林森池已在調整的第三隻腳入貨。

2.一隻腳的定義：睇指數（因為指數是大約所有股份的平均值）調整落來（可能是一日，可能是連續幾日），到反彈為止，叫一隻腳。然後若反彈後再調整，跌了後又再反彈，咁就叫第二隻腳。但第二次必需跌得深過第一次先至自算係第二隻腳。如此類推。

3.建議一般調整應在第三隻腳時入貨。他引用一鼓作氣、二鼓衰、三鼓竭的理論，表示插到第三隻腳時，已反映了大部份的衝擊和不利情況，此時入貨，可大大減少對自己的殺傷力。

4.「腳」的理論只適用於調整，爆煲時並不適用。

5.至於調整出現時會有多少隻腳出現，每次情況唔同，要做足功課先可預測。如八月底因為對沖基金斬倉和傳統基金擠提潮，所以插咗五隻腳。林 sir 預計呢次，大約只得三隻腳（當然不排除可能有第四隻，因世事無絕對），因為現時各行業已有適當調整，太過份以及炒過龍的情況已得到充份調整。

6.要知道指數調整得夠唔夠，要睇個別行業。市場好專業，係呢次調整，港股係各行業都好有理據咁適當調整。例如市場預計下年鐵礦產價格上升、航運費用上升等，會令鋼鐵股成本大漲，所以基金大量減持鋼鐵股，因此今次鋼鐵股調整最大；其次是資源商品股，因為聯儲局資料（聯儲局所掌握既數據多我地幾十萬倍，資料甚至係 real-time）顯示礦產品 08 年會供過於求，尤其是銅、鋁。反而金融、電訊和地產股跌得少。

7.以 PEG 來計，恒指的合理 P/E 應為 22.5，因為恒指大於一半是高增長的紅籌國企。以 27,800 點恒指是 21.5 06年P/E 來計，恒指既每股盈利是 1293，07 年盈利 = 1293 x 122.5% = 1584。若恒指合理 07 P/E 是 22 倍，指數應是 34,848。若以美股 (S&P 500 + NASDAQ / 2) 的 P/E (26.5)來計，指數就是 41,976。

8.恒生指數的 P/E 是每年 update 一次，但美國就每季更新（最新的道指P/E 是 46 倍！）。所以睇 P/E 時要留意呢點。

9.林森池不睇商品股，因為他自認不夠專業。買商品資源股要好緊貼商品週期，而商品有好多專業炒家以及多種炒法。
詳細訪問請聽
mms://202.177.192.108/rthk/PTC/20071116/2007111616.asf
(用windows media 聽 完成第一部份後不要關 很快便的會自動播放第二部份)