2010年1月16日星期六

日本爆泡 中國宜借鑑

雖然我主修英文,但係對商科都好有興趣,所以經常都會讀吓工商管理學系嘅科目。上個學期,我剛剛讀咗日本商業(Japanese Business),從中都知道咗更多關於日本自二戰以後嘅經濟發展,我讀完之後發覺現時嘅中國和當年嘅日本有不少相似之處,日本嘅經驗及教訓絕對可以作為中國發展嘅參考。

日圓升值高地價釀泡
喺八十年代,日本嘅經濟如日方中,出口盈餘豐厚,日圓兌美元持續係咁升值,當時日本外匯嘅儲備全球第一;但自九十年代開始,日本經濟泡沫爆破,到依家仲未能夠回復興旺。簡單歸納日本泡沫經濟爆破嘅原因有以下三點:

(1)日圓升值。日本嘅經濟由出口帶動,出產商品嘅價格提高令到企業經營困難。喺高日圓嘅環境之下,大型企業逐漸將生產線外移,影響當地中、小企業發展,間接令到失業率上升。

(2)房地產價格急跌。喺八十年代中至九十年代初,日本全國地價指數升咗接近五成,土地資產價格亦升咗一倍以上,高地價令企業嘅經營成本增加,亦阻礙經濟發展。日本政府於是喺一九九一年的稅制改革時推出地價稅及增加轉讓土地時嘅課稅,使到土地變成投資者沉重嘅負擔,亦令他們急於將土地脫手而導致土地價格急跌。

防樓市企業投資過熱
(3)企業投資過度。八十年代嘅低息高日圓環境,令大型企業能夠賺取息差,唔少日本企業嘅財務盈利比她們嘅正常營運利潤仲要高,但其後日本五次調高利率,利率由3.25%上升到6%,令經濟泡沫爆破。

講番中國,政府喺防止經濟泡沫方面都做咗唔少工夫,就好似十二月份推出有關為樓市降溫嘅一系列政策,目的都係為咗穩定樓市發展,長遠是有利經濟嘅。作為投資者嘅我哋,亦都要密切留意人民幣匯價、房地產市場及企業投資等問題,相信可以有助找出泡沫嘅端倪。

2 則留言:

Eric Sun 說...

中国内地和日本有个比较大的区别可以参考一下:中国大,二三线城市还是有不少可以腾挪的空间和时间,所以,如果央府有智慧去处理好房产泡沫,有勇气去改变产业资本流入资本市场,有胆识去挡国外热钱于门外,那资产价格软着陆是没问题的。

Larry 洪龍荃 說...

認同你的意見,惟現在中國的土地政策關係到地方政府的財政收入,中央確實需要很大膽識才能處理好房地產價格問題。